وايــه اللــى هــنــتــعــلــمــه مــن الــصــيــام؟؟
الصيام يربى النفوس ويهذبها
فالصيام مدرسه
ومن مدرسه الصيام هنطلع متعلمين حجات كتيير
وايــه اللــى هــنــتــعــلــمــه مــن الــصــيــام؟؟
اول شى هنتعلمه من الصيام
تقوى الله عز وجل
ايوه
لاننا احنا صايمين عن الاكل والشرب والشهوات وعن كل شى يغضب
الله
فاكيد مثلا مش هنروح واحنا صايمين نقفل
الباب على نفسنا وناكل ونشرب
حد فينا بيعمل كده ؟؟
لا طبعا
طيب ليه مهو محدش شايفك ؟؟
اكيد هتقولولى ان ربنا شايفنا فمنقدرش نروح وناكل ونشرب
هى النقطه دى الى عاوزه اوصلها ليكم
وهى دى تقوى الله عز وجل ومراقبته
احنا عارفين كويس انه ربنا شايفنا من فوق سبع سموات فمنروحش
نعمل ما يغضب ربنا علينا
والصيا م هيعلمنا كده لان ربنا قال
لعلكم تتقون
فانت مثلا لو بتسمع اغانى فى الايام العاديه لما يجى رمضان تبطلها
كنت مثلا مش بتصلى فلما يجى رمضان تصلى
يبقى الغايه من الصيام هى التقوى كما قال ربنا ,,
يا ايها الذين امنوا كتب عليكم الصيام كما كتب على الذين من قبلكم
لعلكم تتقون
وايــه اللــى هــنــتــعــلــمــه مــن الــصــيــام؟؟
تانى حاجه هنتعلمها من مدرسه الصيام
هى ذكر نعم ربنا علينا وشكرها
فالصيام بيذكرنا
بنعمه الطعام ونعمه الماء
وانت صايم تحس بالجوع والعطش الشديد
ولما تيجى تفطر فى المغرب وتشرب الماء البارد
تقول يااااه ده انا فى نعمه كبيره جدا ومش واخد باللى منها
فتذكر نعمه ربنا عليك وتشكر الله عز وجل
على نعمه الماء والطعام
وايــه اللــى هــنــتــعــلــمــه مــن الــصــيــام؟؟
الصيام هيحسسنا بالفقراء والمساكين
وانت صايم لما تحس بالجوع هتفتكر الفقراء والمساكين اللى بيبيتوا
من غير اكل فتحس بيهم وتساعدهم
وايــه اللــى هــنــتــعــلــمــه مــن الــصــيــام؟؟
الصيام هيعلمنا الصبر
الصبر على الجوع والعطش
الصبر على الشهوات
والصبر على العباده
والصبر على معصيه الله
وايــه اللــى هــنــتــعــلــمــه مــن الــصــيــام؟؟
شوفتوا يا اخواتى الصيام جميل ازاى ؟؟
يبقى الصيام
هيعلمنا التقوى الادب والاخلاق والصبر وشكر نعم الله عز وجل
والشعور بالفقراء والمساكين
الله اكبر
ما احنا قولنا ان الصيام مدرسه
وهنخرج من المدرسه دى مختلفين تماما عن
الاول بس نصدق النيه على التغير
