السلامـــ عليكم ورحمه الله وبركااته
بسم الله الرحمن الرحيم
هنتكلم النهارده في موضوع مهم جدا جدا جدا
// غض البــصر //
//♥// النظــره سهم من سهام الشيطان //♥//
ناس كتير مننا شباب وبنات عندهم مشكله فى غض البصر سواء فى الشارع او فى التليفزيون او على النت..
ايوا .. ما البنات مطالبه بغض البصر بردو زي ما الاولاد مطالبين بغض البصر ..
قال تعالى في سورة النور : (وقل للمؤمنات يغضضن من أبصارهن )
يعني مينفعش تبقي قاعده بتتفرجي على التليفزيون وتيجي صورة راجل تبصيله كدا وتقولي : الله شوفي امور ازاي , شوفي لون شعره , شوفي التيشرت الي لابسه ..
لا .. مينفعش ... البنوته لازم تغض بصرها وتحاول تعف نفسها على قد متقدر ..
//♥// النظــره سهم من سهام الشيطان //♥//
تيجي واحده شطورة كدا تقولي : طيب وايه فوايد غض البصر يعني ؟!!
هقولك اهو ...
اول فائده من فوائد غض البصر .. انك بتمتثلي لأوامر ربنا وبتطيعيه مما يورث في قلبك سعاده ورضا .. بعكس اطلاق النظر بيخلي القلب حزين ومشتت وبيديكي احساس بالذنب
وتاني حاجه .. انتي عارفه ان النظره سهم من سهام ابليس ..!!
غض البصر هيعصمك باذن الله من دخول فتنه النظره المسمومه الى قلبك ويسد على الشيطان مدخله لقلبك
وخليكي فاكره .. بين العين والقلب منفذ وطريق يصلح بصلاحه ويفسد بفساده
فا ذا فسد القلب فسد النظر واذا فسد النظر فسد القلب
//♥// النظــره سهم من سهام الشيطان //♥//
# انا مش بقدر اغض بصري مره اه ومره لا .. طيب ايه الحل ؟!
الحل في عده نقاط بسيطه ...
اولا : الدعاء ادعى دايما لنفسك بالهدايه ( اللهم اهدنا فيمن هديت وعافنا فيمن عافيت وتولنا فيمن توليت وبارك لنا فيما اعطيت ربنا واصرف عنا شر ما قضيت فأنك تقضى ولا يقضى عليك )
( اللهم اقسم لنا من خشيتك ما تحول به بيننا وبين معصيتك ومن طاعتك ما تبلغنا به جنتك ومن اليقين ما تهوم به علينا مصائب الدنيا ومتعنا اللهم بابصارنا واسماعنا ..)
( اللهم اجعلنا نخشاك كأننا نراك واسعدنا بتقواك ..)
//♥// النظــره سهم من سهام الشيطان //♥//
ثانيا : علقي عندك فى الغرفه آيه او صوره عن غض البصر وحطي خلفيه للكمبيوتر بتاعك عن غض البصر
//♥// النظــره سهم من سهام الشيطان //♥//
ثالثا : قراءه سوره يوسف او حتى تسمعيها ان لم تستطيعي قراءتها وخلى سيدنا يوسف عليه السلام والسيده مريم قدوه ليكي
رابعا : طبعا الصلاه ثم الصلاه ثم الصلاه ( ان الصلاه تنهى عن الفحشاء والمنكر )
//♥// النظــره سهم من سهام الشيطان //♥//
خامسا : دايما استحضري ان ربنا شايفِك فى كل الاوقات واستحى منه ( الله رقيب على الله شهيد على الله نظير الى )
//♥// النظــره سهم من سهام الشيطان //♥//
ولا تنسوا ان الصيام ليس امتناع عن الطعام والشراب بل امتناع عن كل انواع المنكرات ...
واسأل الله ان يهدى جميع شباب وبنات المسلمين وان يثبتنا على الصراط المستقيم
//♥// النظــره سهم من سهام الشيطان //♥// بحبكم في الله
