السلام عليكم يا زهرات
اخباركم ايه حبايبى
انهارده جيلكم بموضوع جديد وحصرى عند شوشو وبس ((شوشو دى اللى هى انا
))
النميمه يا زهورات
هحكيلكم على حوار صغير بينى وبين صاحبتى امبارح قبل صلاه التراويح
بصوا بقى يا زهورات احنا بنروح بدرى عن الصلاه والناس بتكون لسه جايه
وصاحبتى بقى طول ما احنا قاعدين عماله تقولى تتريق على الناس
والمشكله ان كل ده واحنا فى بيت ربنا
وعماله تتريق على الناس وتضحك
مثلا هنسميها فى الحوار (ن) وفى واحده صاحبتنا هتيجى تانى وهنسميها (ل)
ن : شوشو .. بصى بسرعه البنت دى شكلها عامل ازاى
شوشو : ملناش دعوه بحد يا (ن) احنا جايين نصلى مش ناخد سيئات
(ن) : خلاص ماشى براحتك
شوشو : يلا بقى تعالى نقرا قران عشان نلحق نخلص الجزء
(ن) : طيب ماشى
...
(ن) : شوشو .. شوشو بصى (ل) جت .. هى ايه اللى لبساه ده شكله مش حلو خالص وكمان الطرحه مش مظبوطه والطقم ده لبسته اكتر من مبليون مره
شوشو : لا بالعكس ده انا عاجبنى الطقم ده اوووى
(ل) : ازيكم يا بنات
(ن) : كويسه يا حبيبتى .. ايه الجمال ده كله حلو اوى الطقم ده وكمان طرحتك رووووعه
((ملاحظين يا بنات من وراها قالت ايه وقدامها قالت ايه .. وحتى مخلتيش ليا فرصه انى اتكلم وقعدت تتكلم مع (ل)
(ن) : جديد ده يا (ل) صح ؟؟ عشان عمرى ما شوفتك لبساه وشكله شيك خالص
(ل) : لا ده عندى من فتره
(ن) : طيب ماشى انا هقوم اتوضى عشان العشاء قربت . تعالى معايا يا (ل)
(ل) : ماشى
(ن) : احنا رايحين يا شوشو
شوشو : ماشى
((وراحوا هم الاتنين يتوضوا))
شفتوا يا بنات اخدت (ل) معاها عشان خايفه لحسن اقولها قالت ايه من وراها
~~
طب ليه يا زهره تحطى نفسك فى موقف زى ده
ما انتى ممكن تبعدى عن كل ده وتخليكى فى حالك
لانك هتاخدى سيئات وكمان احنا فى رمضان
~~
طب تتوقعوا بقى لو (ل) عرفت اللى (ن) قالته عليها هتعمل ايه ؟
اكيد هتزعل منها وهيتخاصموا
واحنا فى رمضان وامتخاصمين لا ترفع
وكمان داخلين على العيد
~~
لو لقيت منكم نصايح لـ (ن) هقولها ليها
~~
وكده انا خلصت موضوعى يا زهورات
لو عجبكم موضوعى متنسوش تردوا عليا
~~
انتظرونى فى موضوع جديد يا بناويت .. قريباً
فى
امان
الله
